Shkolla e MagjistraturësShkolla e Magjistraturës, më datë 19 nëntor 2024, zhvillon aktivitetin trajnues me temë: “Aktet e ekspertimit si provë shkresore. Kushtet e vlefshmërisë, përdorshmërisë dhe papërdorshmërisë së tyre në procesin gjyqësor. Procesi i të provuarit gjatë gjykimit civil dhe veçoritë e aktit të ekspertimit si provë.”, pranë ambienteve të Shkollës së Magjistraturës, në Tiranë.
Ky aktivitet drejtohet nga:
Ekspertë: Dritan Caka dhe Nurjeta Pogaçe
Lehtësues: Olti Skrame
Qëllimi i këtij trajnimi është: të pajisë pjesëmarrësit me njohuri dhe aftësi për: Vlerësimin e provave: Kuptimin e kushteve të vlefshmërisë, përdorshmërisë dhe papërdorshmërisë së provave në procesin gjyqësor. Procesin e të provuarit: Theksimin e rolit të palëve dhe gjyqtarit gjatë gjykimit civil. Ekspertimin si provë: Analizimin e veçorive të aktit të ekspertimit dhe kriteret për pranueshmëri. Zbatimin praktik: Menaxhimin e provave në mënyrë të drejtë dhe të ligjshme, duke përmirësuar cilësinë e procesit gjyqësor.
Trajnimi do të realizohet duke ndërthurur prezantimet (deri në 20-30 min) me diskutimin e çështjeve të shtruara (pyetjeve vetë studimore; pyetje-përgjigje) dhe ushtrimeve me raste praktike & kuize, për të nxitur dhe realizuar ndërveprimin aktiv të pjesëmarrësve.
Gjatë këtij aktiviteti trajnues do të trajtohen tema të ndryshme, si:
- Ekspertimi si provë në procesin gjyqësor civil.
Nënçështje:
- ekspertimi dhe eksperti si institute procedurale civile;
- caktimi dhe emërimi i ekspertit;
- kompetencat dhe tagrat e ekspertit;
- përgjegjësia e ekspertit;
- çështjet në të cilat ekspertimi parashikohet shprehimisht si provë;
- shpërblimet e ekspertit.
- Analizë krahasuese, lidhur me ekspertimin në procesin gjyqësor civil.
Nënçështje:
- ekspertimi sipas legjislacioneve të Kosovës dhe të Italisë;
- ekspertimi sipas KEDNJ-së;
- qëndrimet e ndryshme procedurale, të hasura në praktikë, lidhur me caktimin dhe emërimin e ekspertit.
Në këtë aktivitet trajnues marrin pjesë gjyqtarë, prokurorë dhe avokatë shtetit të Republikës së Shqipërisë.
Gjeni quizin në linkun më poshtë: